صوبائی جمعیت اہل حدیث کی اجمالی سرگرماں

الحمدللہ رب العالمین والصلاۃ والسلام علی نبینا محمد وعلی آلہ وصحبہ أجمعین أمابعد:

وطن عزیز ہند میں جمعیت اہل حدیث کے قیام کے بنیادی مقاصد میں سے اہم ترین مقصد مختلف سرگرمیوں کے ذریعہ پورے ملک کے جماعتی احباب کو باہم مربوط رکھنا اور ان کی فلاح وبہبود کے کاموں میں سرگرم عمل رہنا ہے، پورے ملک میں جمعیت اہل حدیث کی ہزاروں شاخیں ہیں ان میں متعدد جمعیات حسن کارکردگی کی بنیاد پر معروف ومقبول ہیں، اور ان کے ذریعہ مختلف قسم کی دعوتی، تعلیمی، تربیتی، تنظیمی ورفاہی سرگرمیوں کا سلسلہ جاری رہتاہے جن کے اپنے اپنے حلقوں میں خوش آئند نتائج واثرات دیکھنے کوملتے ہیں۔

الحمدللہ صوبائی جمعیت اہل حدیث ممبئی کی بھی اپنی گوناگوں سرگرمیوں او ر ملک وملت اور جماعت کے لئے مفید ونفع بخش کاوشوں کے حوالہ سے عمدہ شناخت قائم ہے اور وہ جماعتی وغیر جماعتی حلقوں میں محتاج تعارف نہیں ہے۔

ذیل میں صوبائی جمعیت اہل حدیث ممبئی کے مختلف شعبوں اور ان کی کارکردگی کا ایک ہلکا سا خاکہ پیش کیا جارہا ہے، مقصد یہی ہے کہ احباب جماعت ان سرگرمیوں سے خود کو زیادہ سے زیادہ جوڑیں اور ان سے خود بھی مستفید ہوں اور دوسروں کے بھی افادے کا سبب بنیں واللہ الموفق وھو الہادی إلی سواء السبیل۔

صوبائی جمعیت اہل حدیث ممبئی شہر ممبئی ، تھانہ اور دیار کوکن میں جماعت اہل حدیث کی نمائندہ تنظیم ہے ۔ تنظیمی سرگرمیوں اور دعوتی جدوجہد کے حوالہ سے صوبائی جمعیت ملک بھر میں معروف ہے ۔ وسیع لائحہ عمل ، فعّال تنظیمی اور دعوتی شعبہ جات اور مختلف دعوتی صلاحیتوں میں مہارت رکھنے والے علماء اور دعاۃ کی مضبوط ٹیم کے حوالہ سے صوبائی جمعیت ملک بھرکے اداروں میں اپنی خصوصی شناخت رکھتی ہے ۔ اللہ کے فضل واحسان اور جماعت کے قیمتی تعاون کے ساتھ ہم اپنی وسعت بھر کوشش کررہے ہیں تاکہ جماعت کی تنظیم اور تنسیق اور دعوت کی ذمہ داریاں جمعیت کما حقہ ادا کرسکے ۔ ادھر لاک ڈاؤن اور اس کی بندشوں کی وجہ سے بہت سی سرگرمیاں موقوف تھیں لیکن اب بحمدللہ جمعیت اپنے کاز میں رواں دواں ہے۔ اللہ مزید توفیق بخشے۔ ذیل میں جمعیت کی سرگرمیوں کا مختصر سا خاکہ پیش کیا جارہا ہے ۔

❶ شعبۂ تنظیم و رابطہ عامہ:

صوبائی جمعیت اپنی ماتحت جمعیتوں کی کارکردگی کا استطاعت بھر جائزہ لیتی رہتی ہے ۔ یہ جمعیات صوبائی جمعیت کے ساتھ مستقل رابطہ میں رہتی ہیں ۔ صوبائی جمعیت مختلف ضروری اور مطلوبہ سرگرمیوں کی طرف ان کی توجہ مبذول کراتی رہتی ہے ۔

صوبائی جمعیت اہل حدیث ممبئی کا حلقۂ عمل ودائرۂ کار شہر ممبئی وتھانہ ودیار کوکن کے تمام اضلاع ہیں۔

◈ صوبائی جمعیت کے تحت ضلعی جمعیتوں کے ۱۱؍حلقے ہیں۔

◈ اور مقامی جمعیتوں کے ۱۰۰؍ سے زائد حلقے ہیں۔

◈ شعبۂ تنظیم کا کام مذکورہ تمام حلقوں میں ممبر سازی، اور انتخابی کارروائیوں کی تکمیل تک ان کی نگرانی اور تنظیمی سرگرمیوں پر نظر رکھنا ہے، ان کے باہمی مسائل کا تصفیہ اور تنظیمی مشکلات کا حل بھی اسی شعبے کی ذمے داری ہے اور الحمدللہ یہ شعبہ اپنی ذمہ داریوں کے متعلق پوری طرح حساس وفعال ہے۔

◈ اپنی ذیلی جمعیتوں کی تنظیمی تربیت کے لئے تنظیمی اجتماعات وکنونشنوں کا انعقاد بھی اس کی سرگرمیوں کا حصہ ہے۔

❷ شعبۂ دعوت:

الحمدللہ جماعت اہل حدیث کی دعوت خالص اسلام کی اور پورے اسلام کی دعوت ہے،جو رسول اللہ ﷺ نے صحابہ کرام رضوان اللہ علیہم اجمعین پر پیش کی تھی، اہل حدیث کی دعوت پر لیل ونہار کی گردش اور تاریخ کی بدلتی ہوئی کروٹوں اور صدیوں کی آلودگیوں کا کوئی اثر نہیں پڑا وہ جیسے کل تھی ویسے ہی آج بھی ہے، توحید وہی توحید ہے، منہج وہی منہج ہے، سرچشمہ وہی سرچشمہ ہے کچھ بھی تو نہیں بدلا ہے۔ اللہ کا شکر ہے کہ صوبائی جمعیت اہل حدیث ممبئی کی سرگرمیاں بھی اسی تاریخی تسلسل کا حصہ ہیں جو ہر طرح کی آمیزشوں اور ملاوٹوں سے پاک ہوکر خالص اسلام کے پیش کرنے کے لئے کی گئی ہیں۔

◈ صوبائی جمعیت کے متعدد دعاۃ ممبئی کی مختلف مساجد کی جانب سے دعوت پر دروس اور اجتماعات میں شرکت کرتے ہیں۔ موقع بموقع بیرون صوبہ بھی دعوتی پروگراموں میں شریک ہوتے ہیں۔

خطبات جمعہ دعوت وتبلیغ کا ایک موثر ذریعہ ہیں اس لئے صوبائی جمعیت ہر جمعہ ممبئی کی مختلف مساجد میں خطبہ جمعہ کی ترتیب کرتی ہے۔

◈ صوبائی جمعیت اہل حدیث ممبئی حلقے کی مختلف مساجد میں دروس، خطبات جمعہ وغیرہ کے لئے علاقہ ہی کے معتبر علماء کی خدمات بھی حاصل کرتی ہے۔

◈ اس شعبے کے تحت جمعیت کے مختلف حلقوں میں ماہانہ اجتماعات کا اہتمام کیا جاتاہے جس کے لئے مقامی علماء کے ساتھ بیرونی علماء کا تعاون بھی حاصل کیا جاتاہے۔

◈ صوبائی جمعیت کے ذمہ داران اپنی ذیلی جمعیات اور جماعت کے اجتماعات اور جلسوں میں شرکت کے ساتھ سرپرستی اور نگرانی بھی کرتے ہیں اور انہیں مطلوبہ رہنمائی اور ممکنہ تعاون پیش کرنے کی پوری کوشش کرتے ہیں۔

◈ متفرق اور مستقل دروس کا اہتمام بھی اس شعبے کے تحت مسلسل کیا جاتاہے، فی الحال جمعیت کے داعی ممبئی شہر کے کئی حلقوں میں مستقل درس دیتے ہیں۔ اور اپنے حلقوں کے تربیتی پروگراموں میں محاضرات بھی پیش کرتے ہیں۔

◈ جمعیت کے ذمہ داران ودعاۃ مختلف مساجد میں حسب طلب و بے طلب خطبۂ جمعہ کا بھی اہتمام پابندی کے ساتھ کرتے ہیں۔

◈ ائمہ مساجد کا مقام مسلم معاشرہ میں بہت بلند اور ان کی ذمہ داریاں انتہائی اہم ہیں جس کی وجہ سے صوبائی جمعیت ہر سال بڑے تزک و احتشام سے دورہ تدریبیہ کا انعقاد کرتی ہے۔ لاک ڈاؤن کی وجہ سے یہ سلسلہ منقطع تھا مگر اللہ کی مشیئت و توفیق سے امسال27؍ نومبر 2022ء بروز اتوار صبح نو بجے سے صلاۃ عشاء تک مسجد اہل حدیث کپاڑیا نگر کرلا میں منعقد ہونے جارہا ہے۔ یہ دورہ جس میں تقریبا 400؍ ائمہ ودعاۃ اور مہمانوں کی شرکت ہوگی ۔اور ملک و بیرون ملک کے کبار علماء، دکاترہ اور ماہرین علم وفن محاضرات پیش کریں گے۔ صوبائی جمعیت اپنی روایت کے مطابق شرکاء کے لئے قیمتی تحائف بھی پیش کرنے کی سعادت حاصل کرے گی۔إن شاء اللہ۔

◈ حج وغیرہ کی مناسبت سے خصوصی تربیتی اجتماعات کا اہتمام کیا جاتاہے۔

◈ جمعیت کے دعاۃ حسب طلب وضرورت دیگر صوبوں کے اجتماعات اور جلسوں میں بھی شرکت کرتے ہیں۔

◈ صوبائی جمعیت کی سالانہ دعوتی کانفرنس بھی پابندی کے ساتھ منعقد ہوتی ہے۔جس میں تمام حلقوں سے عوام کی بھاری اور بڑی تعداد شریک ہوتی ہے اور ملک کے بڑے اور نامور علماء وخطباء کے مواعظ وخطبات سے استفادہ کرتی ہے۔

❸ جماعت کے خلاف نامناسب سازشوں کا دفاع:

جماعت اہل حدیث کی قرآن وسنت اور منہج صحابہ پر مبنی خالص اسلام کی دعوت اور اس کے لئے کی جانے والی سنجیدہ واصولی کاوشوں اور نفع بخش تقریری وتحریری سرگرمیوں سے بعض مسلم حلقوں میں بے چینی پیدا ہونے لگتی ہے اور برسوں کے مسلکی جمود کا ٹوٹنا اور تقلید آباء کی روش سے لوگوں کا گریز انہیں ایک آنکھ نہیں بھاتاہے، اس لئے وہ جمعیت وجماعت کے خلاف سازش پر آمادہ ہوتے ہیں اور اسے بدنام کرنے کے لئے انتہائی نچلی سطح پر اتر آتے ہیں۔ ایسے موقعوں پر جمعیت ہمیشہ مسلک حق کی ترجمانی اور دفاع کے لئے آگے آتی ہے اور اللہ کی توفیق سے شریعت کی رہنمائی کے مطابق مذکورہ عناصر کے جواب میں مناسب اقدامات کرتی ہے اور تحریروں اور تقریروں کے ذریعہ حقائق کو منظر عام پر لاتی ہے اور اس طرح اللہ کے فضل سے ان کی چالیں اور نازیبا تدبیر یں بے اثر ہوجاتی ہیں۔ إلا ما شاء اللہ ولاقوۃ إلاباللہ.

❺ شعبۂ افتاء وتصفیہ معاملات:

یہ جمعیت کا کافی فعال شعبہ ہے، جمعیت کے مفتی صاحبان مختلف مسائل پر آنے والے استفتا کا جواب باقاعدگی سے دیتے ہیں، تحریری وزبانی دونوں طرح سے یہ سرگرمی جاری ہے۔

◈ طلاق وخلع جیسے مسائل میں بھی جمعیت کے ذمہ داران صلح صفائی اور نزاعات کے خاتمے کے لئے اپنی پوری کوشش صرف کرتے ہیں اور فریقین کے لئے اپنے وقت کا بڑا حصہ صرف کرتے ہیں اور ان کی خیر خواہی کا کوئی دقیقہ فروگزاشت نہیں کرتے ہیں۔

◈ دیگر امور میں بھی باہمی نزاعات کے خاتمے کے لئے جو لوگ جمعیت سے رجوع کرتے ہیں ذمہ داران ان کی طرف پوری توجہ دیتے ہیں۔

◈ جماعتی احباب یا علماء کے لئے اگر مشیئت الٰہی سے جماعتی یا ملی اعتبارسے کوئی مشکل پیش آتی ہے تو جمعیت امکانی تعاون کے لئے ہمیشہ تیار رہتی ہے اور ماضی میں کئی معاملات میں جمعیت نے اپنا کردار بخوبی نبھایا ہے اور دامے درمے قدمے سخنے ہر طرح کی کوششیں صرف کی گئی ہیں۔ وللہ الحمد.

جمعیت کے علماء ذاتی ملاقات ، فون اور سوشل میڈیا کے ذریعہ بھی عوام کی دینی رہنمائی کے فرائض انجام دیتے رہتے ہیں۔

❻ مختلف سیاسی اور دعوتی معاملات میں اپنےموقف کی :

پریس ریلیز وضاحت اور عوام کی رہنمائی کےلیے صوبائی جمعیت کے دفتر سے پریس ریلیز جاری ہوتی رہتی ہے ۔

❼ صوبائی جمعیت کا دفتر:

صوبائی جمعیت کا دفتر کرلابس ڈپو کے سامنے واقع ہے اور صبح دس بجے تا شب آٹھ بجے تک مختلف خدمات کے لئے پابندی سے کھلا رہتاہے۔

◈ دفتر میں شہر وبیرون شہر بلکہ بیرون صوبہ سے آنے والے مہمانوں کا استقبال کیا جاتاہے اور مختلف امور کے سلسلے میں ان کی رہنمائی اور تعاون کا کام انجام دیا جاتاہے۔

◈ دفتر میں متعدد کشادہ اور تمام ضرورتوں (کمپیوٹر وغیرہ) سے لیس کیبن موجود ہیں جن میں مختلف شعبوں کے افراد اپنی اپنی متعلقہ سرگرمیاں انجام دیتے ہیں۔

◈ امیر جمعیت وناظم جمعیت کے الگ الگ کیبن موجود ہیں۔

◈ ایک میٹنگ ہال بھی ہے۔

◈ حمامات اور ایک چھوٹا سا وضو خانہ بھی موجود ہے۔

◈ کمپیوٹر آپریٹروں کے لئے بھی متعدد کبین ہیں۔

◈ ابھی جلد ہی دفتر کی مرمت اور تجدید کا کام ہوا ہے جس کا صرفہ کافی ہے۔

❽ صوبائی جمعیت کی غیر منقولہ جائدادیں:

جوگیشوری ویسٹ ایس وی روڈ پر فیضان اپارٹمنٹ میں مسجد ومدرسہ کے لیے ایک مناسب کمرشیل ایریا صوبائی جمعیت کے نام رجسٹرڈ ہے ، وہاں جمعہ ، جماعت اور دیگر دینی سرگرمیاں بھی چل رہی ہیں الحمدللہ ابھی سال رواں میں بغل کا گالا بھی خرید کر مسجد کی مزید توسیع کردی گئی ہے جو احباب جماعت کے تعاون سے مکمل ہوا ہے اور اس طرح شہر ممبئی میں جمعیت کی ملکیت میں کل چار جائدادیں شامل ہوگئی ہیں:

1) صوبائی جمعیت اہل حدیث ممبئی کی موجودہ آفس، کرلا بس ڈپو کے سامنے، ایل بی ایس روڈ ، کرلا ویسٹ

2) صوبائی جمعیت اہل حدیث کی قدیم آفس، آشیانہ اپارٹمنٹ ، بالمقابل فوزیہ ہاسپٹل کرلا ویسٹ

3) جامع مسجد اہل حدیث کپاڈیہ نگرکرلا ویسٹ کے بغل میں ایک وسیع گالہ

4) مسجد اہل حدیث، ایس وی روڈ ، فیضان اپارٹمنٹ ، جوگیشوری ویسٹ

❾ لائبریری:

تحقیق وتالیف اور افتاء کا کام کرنے والے اہل علم کے مراجعہ ومطالعہ کے لئے دفتر میں ایک لائبریری بھی قائم ہے،جس میں عربی اور اردو زبان کی متعدد کتابیں مختلف موضوعات پر موجود ہیں۔

❿ شعبہ تحقیق وتالیف وترجمہ:

اس شعبے کے تحت مختلف اہم ترین موضوعات پر دسیوں کتابیں اب تک لکھی اور تیار کی جاچکی ہیں ، نیز مختلف قسم کے دعوتی پمفلٹ، فولڈر اور کتابچے وغیرہ بھی تیار کئے گئے ہیں اور مزید کتابوں کے ترجمے ، تالیف اور ترتیب کا کام جاری ہے۔

⓫ شعبۂ نشرواشاعت:

اس شعبے کے تحت مختلف کتابیں منظر پر آئی ہیں اور یہ کتابیں بڑی تعداد میں مفت تقسیم ہوئی ہیں ،اس شعبہ کے تحت شائع ہونے والی کتابوں کی ایک سرسری فہرست حسب ذیل ہے:

نام کتاب: صیام رمضان -مختصر احکام و مسائل (اردو)

تالیف: ابو عبد اللہ عنایت اللہ بن حفیظ اللہ سنابلی مدنی

صفحات : 132

لنک: https://urlis.net/pbhta4yh

اس کتاب میں مولف نے صیام کا معنی و مفہوم، فرضیت، رمضان اورصیام کے فضائل و برکات، مقاصد ومنافع، ارکان ، شروط، نواقض، صیام کے آداب، حالت صوم کے محرمات و ممنوعات اورمباحات، نیزمعذورین یعنی مریض ، مسافر، حیض و نفاس والی خواتین وغیرہ کے مسائل بیان کئے ہیں۔ اسی طرح قیام رمضان کا حکم، اس کی فضیلت، وقت ،مسنون رکعات، نیز اعتکاف کے احکام و مسائل، شب قدرکی فضیلت و علامات، عمومی طور پر ماہ رمضان کے خصوصی اعمال اسی طرح زکاۃ الفطر کے احکام ومسائل اور عید الفطر کے آداب و احکام اور منکرات وغیرہ کا مدلل ذکر کیا ہے۔

نام کتاب: تاریخ اہل حدیث -فرقۂ ناجیہ طائفہ اہل حدیث ہے! (اردو)

تالیف: علامہ احمد بن محمد دہلوی مدنی رحمہ اللہ

تحقیق: علی بن حسن بن علی بن عبد الحمید حلبی اثری حفظہ اللہ

ترجمہ: ابو عبد اللہ عنایت اللہ بن حفیظ اللہ سنابلی مدنی

صفحات: 170

لنک: bit.ly/3YXNnJ7

تاریخ اہل حدیث کے موضوع پر یہ ایک جامع اور نہایت اہم کتاب ہے۔اس کتاب میں مولف رحمہ اللہ نے تاریخی تسلسل کے ساتھ بلا انقطاع عہد رسول ﷺ سے لیکر آج تک اہل الحدیث کی تاریخ بیان فرمائی ہے، نیز مستند اور ٹھوس دلائل اور حوالوں سے یہ ثابت کیاہے کہ حدیث رسول ﷺ میں ’’طائفہ منصورہ ‘‘ اور ’’فرقۂ ناجیہ ‘‘سے مراد اہل الحدیث ہیں، جونبوی پیشین گوئی کے مطابق اپنے آغاز سے لیکر آج تک اور قیامت تک حق پربالادستانہ قائم اور گامزن رہیں گے۔ اسی طرح اہل الحدیث کے منہج کی صحت وحقانیت پر روشن دلائل پیش کئے ہیں ، ساتھ ہی ائمہ اربعہ کے احترام کا وجوب، مروجہ مذاہب کا تاریخی جائزہ، مقلدین کے بے ثباتی، اتباع اور تقلید کے مابین فرق،اور بدعتیوں کی نشانیوں کی خوب وضاحت فرمائی ہے۔ نادانی اور عصبیت کی بنیادپراہل الحدیث کے خلاف بدزبانیاں کرنے والوں کے لئے یہ کتاب کسی اکسیر سے کم نہیں۔

نام کتاب: مسئلۂ تکفیر -اہل سنت اور گمراہ فرقوں کے مابین ایک جائزہ (اردو)

تالیف: فضیلۃ الشیخ ڈاکٹر سعید بن علی بن وہف القحطانی حفظہ اللہ

ترجمہ: ابو عبد اللہ عنایت اللہ بن حفیظ اللہ سنابلی مدنی

صفحات: 217

لنک: bit.ly/3YJySIp

شریعت اسلامیہ میں کسی مسلمان کو کافر قرار دینا ایک جرم عظیم ہے ،یہ کتاب تکفیر کے عنوان پر نہایت اہم کتاب ہے، اس میں مولف حفظہ اللہ نے کتاب وسنت اور سیرت سلف کی روشنی میں اس فتنہ کا نہایت علمی و اصولی جائزہ لیاہے اور افراط و تفریط کے مابین اہل سنت و جماعت کا کھرا اور معتدل موقف واضح کرنے کے لئے مدلل طور پر موضوع کے تمام جوانب کا احاطہ کیا ہے، مثلاً تکفیر کے اصول‘ ضوابط اور موانع،تکفیر کی خطرناکی، تکفیر کے باب میں اہل سنت وجماعت کا موقف اور ان کے دلائل،کفر کی قسمیں اور خطرناک تکفیری امور، تکفیر کے باب میں لوگوں کے مواقف اور ان کا جائزہ اور حق کی وضاحت وغیرہ۔ الغرض تکفیر کی حقیقت، اسباب اور سد باب پریہ ایک نہایت جامع کتاب ہے ، اس موضوع پر اردو میں اس سے بہتر کتاب موجود نہیںہے۔

نام کتاب: تقلید کا حکم کتاب وسنت کی روشنی میں (اردو)

تالیف: ڈاکٹر وصی اللہ محمد عباس بستوی حفظہ اللہ (مدرس و مفتی مسجد حرام، وپروفیسر ام القریٰ یونیورسٹی مکہ)

صفحات: 176

لنک: bit.ly/3QKLPjg

تقلید کی حقیقت کے سلسلہ میں یہ ایک گرانقدر مرجعی کتاب ہے، جس میں مولف حفظہ اللہ نے علمی و اصولی لب و لہجہ میں تقلید کا معنیٰ و مفہوم، تقلید و اتباع کے مابین فرق، ائمہ کرام کا اپنی اوردیگر لوگوں کی تقلید سے منع کرنا ، عہد سلف میں تقلید کا فقدان،کتاب و سنت کی روشنی میں مسلک و مذہب کے التزام کا عدم جواز، مسلکی تعصب، ائمہ کے احترام کا مفہوم اور اس کے حدود، مذہبی تعصب کے اسباب و علاج، تقلید و تعصب کے نقصانات،مذاہب و مسالک کا التزام کتاب و سنت سے بے نیاز نہیں کرسکتا، وغیرہ پہلوؤں کی مدلل وضاحت فرمائی اور اخیر میں تعلیم وتربیت کے لئے صحیح اور حقیقی فقہ کی رہنمائی فرمائی ہے۔

نام کتاب: داڑھی- اسلامی فریضہ اور مرد مومن کا شعار (اردو)

تالیف: ابو عبد اللہ عنایت اللہ بن حفیظ اللہ سنابلی مدنی

صفحات: 184

لنک: https://urlis.net/xciusvkn

مرد مومن کی مردانگی اور قوت و شہامت کی جلی اور ظاہری علامت ’’داڑھی‘‘ کےسلسلہ میں کتاب و سنت اور سیرت سلف کے دلائل نیزاہل علم کے فرمودات سے مزین یہ ایک جامع کتاب ہے ، جس میں مولف موصوف نے بڑی عرق ریزی سے داڑھی کا معنیٰ و مفہوم،کتاب وسنت ،سیرت سلف اور اہل علم کے اقوال کی روشنی میں اس کی فرضیت‘ مونڈنے اور کاٹنے کترنے کی حرمت اوردیگر قباحتیں بیان کی ہیں،نیز داڑھی سےمتعلق شبہات ، اشکالات اور غلط فہمیوں کا ازالہ کیا ہے، اسی طرح داڑھی سے متعلق مرجوح مواقف کا جائزہ لیاہے ،نیز اہل علم کے مستند فتاوے نقل کئے ہیں،نیز داڑھی اور مونچھ وغیرہ سے متعلق بعض دیگر احکام بیان کئے ہیں اسی طرح داڑھی سے متعلق بعض ضعیف و موضوع روایات کا ذکر بھی کیاہے۔داڑھی سے متعلق اردو زبان میں یہ ایک نہایت مدلل، مستند اور مرجعی کتاب ہے۔

نام کتاب: جماعت اہل حدیث پر الزامات کا جائزہ (اردو)

تالیف: برادر ابو زید ضمیر

صفحات: 72

لنک: bit.ly/3QMOgSK

جماعت اہل حدیث پر ہونے والے الزامات کے ازالہ کے بارے میں یہ ایک اہم اور گرانقدر رسالہ ہے، جس میں مولف موصوف نے مخالفین کے دس مشہور الزامات کا جائزہ لیا ہے اور کتاب و سنت اور جماعت اہل حدیث کے حقیقی منہج و عقیدہ کی روشنی میں ان کا ازالہ فرمایاہے، مثلاً جماعت اہل حدیث انگریزوں کا ایجاد کردہ ایک نیا فرقہ ہے، یا وہ رسول اللہ ، صحابہ و تابعین، اولیاء، علماء بالخصوص ائمہ اربعہ وغیرہم کی شانوں میں گستاخیاں کرتے ہیں ، ان کا مقام و مرتبہ تسلیم نہیں کرتے، یا اجماع کے منکر ہیں، یا یہ کہ وہ امت میں تفرقہ پیدا کرتے ہیں، اسی طرح وہ دہشت گردی کی تعلیم دیتے ہیں اورمسلمانوں کی تکفیر کرتے ہیںوغیرہ ۔ یہ اپنے موضوع پر مختصر مگر ایک جامع رسالہ ہے۔

نام کتاب: قرآن کی شیتل چھایا (ہندی)

تالیف: ڈاکٹر محمد ضیاء الرحمن اعظمی حفظہ اللہ

صفحات: 160

لنک: https://urlis.net/9sftov6n

دعوت و تربیت کے باب میں ہندی زبان میں یہ ایک نہایت انوکھی کتاب ہے جس میں مولف حفظہ اللہ نے قرآن کریم کی آیات،سیرت رسول ﷺ اور اسی طرح سلف صالحین کی زندگیوں کی روشنی میںتوحید باری تعالیٰ، یوم آخرت اور اللہ واحد کی عبادت و بندگی کے علاوہ اسلام کی صالح تعلیمات، سچائی، امن و سلامتی، حق وانصاف،سماج و سوسائٹی میں عمدہ اخلاق و کرداراوربندوں کے حقوق وغیرہ کی وضاحت فرمائی ہے۔یہ کتاب غیر مسلموں اور اسی طرح دعوتی میدان میں کام کرنے والوں کے لئے یکساں مفید ہے۔

نام کتاب: حج و عمرہ ، کتاب و سنت کی روشنی میں (اردو)

تالیف: فضیلۃ الشیخ مختار احمد مدنی

صفحات: 132

لنک: https://urlis.net/e4wmrmrr

حج و عمرہ اور زیارت مسجد نبوی کے احکام و مسائل سے متعلق یہ ایک اہم اور جامع کتاب ہے، جس میں مولف موصوف نے بڑ ی محنت سے عمرہ اور حج بیت اللہ کے احکام و آداب ، فضائل ، شرائط و ضوابط ، احرام، مواقیت، مشاعر: منیٰ، مزدلفہ، عرفات ، رمی جمرات ، مکہ، طواف ، سعی وغیرہ میںمناسک کی تفصیلات بیان کی ہیں، اسی طرح زیارت مسجد نبوی کے آداب و احکام بھی بیان کیا ہے، اس کتاب میں خاص بات یہ ہے کہ اس میں مناسک حج اور مشاعر وغیرہ میں حج و عمرہ اور زیارت مسجد نبوی کے دوران عازمین سے عموماً جو غلطیاں سرزد ہوجاتی ہیں خصوصی طور پر ان کی نشاندہی کی گئی ہے، تاکہ عازمین ان کا خصوصی خیال رکھیں۔یہ اپنے موضوع پر ایک عمدہ کتاب ہے۔

نام کتاب: امام حرم ڈاکٹر سعود الشریم کا ایک گرانقدر خطاب(اردو)

خطاب: امام حرم ڈاکٹر سعودبن ابراہیم الشریم حفظہ اللہ

ترجمہ وتعلیق: فضیلۃ الشیخ عبد المعید مدنی حفظہ اللہ

صفحات: 24

لنک: https://tinyurl.com/yef9uf2w

یہ ایک اہم مختصر رسالہ ہے جو یکم نومبر ۲۰۱۰ء؁ کو امام حرم شیخ سعود بن ابراہیم الشریم حفظہ اللہ کی ممبئی آمد پرصوبائی جمعیت اہل حدیث ممبئی کے زیر اہتمام جامع مسجد اہل حدیث مومن پورہ ممبئی میں امام موصوف کے گرانقدر خطاب کااردو ترجمہ ہے، اس خطاب میں امام موصوف نے اہل حدیثان ہند سے اپنی دیرینہ اخوت، محبت ، بھائی چارگی اور والہانہ عقیدت کا اظہار فرمایا ہے، اور ہندوستان آمد پر سب سے پہلے اُن سے اپنی ملاقات کے شوق کا اظہار فرمایا ہے، ساتھ ہی ساتھ علمائے اہل حدیث کا سعودی عرب ، وہاں کے حکام و امراء اور علماءو اعیان وغیرہ سے دیرینہ گہرے تعلق کا ذکر فرمایاہے، اور اس بات کی وضاحت فرمائی ہے کہ اس والہانہ محبت وعقیدت کا سبب محض اہل حدیثوں کا خالص کتاب وسنت اور منہج سلف سے تمسک و التزا م ہےجس میں اہل حدیثان و سلفیان ہند اور علماء سعودی عرب متفق ہیں۔

نام کتاب: قرآن کریم کی انسائیکلو پیڈیا(ہندی)

تالیف: ڈاکٹرمحمد ضیاء الرحمٰن اعظمی حفظہ اللہ

صفحات: 736

لنک:

یہ قرآن کریم کا ایک عظیم انسائیکلوپیڈیا ہے، جس میں مولف حفظہ اللہ نے ہندی حروف تہجی کی ترتیب پرقرآن کریم کے الفاظ کی توضیح و تشریح فرمائی ہے، خواہ وہ اعلام ہوں، یا اقوام و ملل ہوں،یامقامات اور جگہیں ہوں یا دیگر کلمات۔ چنانچہ یہ ہندی زبان میں قرآنی الفاظ و کلمات کا انوکھامعجم اور ڈکشنری ہے، جس سے کوئی بھی شخص کسی بھی لفظ کا معنی و مفہوم، سیاق اور پس منظر معلوم کرسکتا ہے،اس کے ذریعہ قرآن کریم کے سمجھنے میں بڑی آسانی ہوگئی ہے۔ یہ عظیم الشان انسائیکلوپیڈیا ہندی خواں مسلم و غیرمسلم دونوں طبقوں کے لئے یکساں مفید ہے۔

نام کتاب: الارشاد إلی سبیل الرشاد فی أمر التقلید والاجتھاد (اردو)

تالیف: مولانا حافظ حکیم ابو یحيیٰ محمد شاہجہاں پوری رحمہ اللہ

صفحات: 400

لنک: bit.ly/3qGZwFt

یہ کتاب تقلید و اجتہاد اور حدیث و رائے کے موضوع پر نہایت اہم ، مستند، مدلل اور بڑی سنجید تحریر ہے ، اس عظیم کتاب میں مولف رحمہ اللہ نے بڑی عرق ریزی و جاں سوزی سےاتباع سنت کا وجوب و التزام ،تقلید کی مذمت،اتباع اور تقلید میں فرق،اہل حدیث اور اہل تقلیدمیں فرق، اہل الحدیث کی قدامت و حقانیت، اتباع سنت سے متعلق سلف صالحین کا طرز عمل ،فقہی مذاہب کے شیوع کے اسباب،منع تقلید کی بابت ائمہ اربعہ رحمہم اللہ کی تصریحات، مسالک کا باہمی تضاد وتناقض، تقلید شخصی اور رائے پرستی کے فاسد نتائج،امام ابو حنیفہ اور حنفی مسلک کے سلسلہ میں مقلدین احناف کا طرز عمل ، اما م ابو حنیفہ رحمہ اللہ کے قلیل الحدیث ہونے کے اسباب، حدیث رسول ﷺ سےبے اعتنائی کا انجام ،اہل حدیث کے ساتھ مقلدین کی زیادتی،ایذا رسانی اور بے بنیاد الزامات کی حقیقت اوردیگر بہت سارے شکوک و شبہات، مغالطوں اور غلط فہمیوں کاحددرجہ متانت سے ازالہ فرمایا ہے۔کتاب اپنے موضوع پر بے مثال شاہکار ہے، تقلیدو تعصب اور شخصیت پرستی میں ڈوبے ہوؤں کی رہنمائی کے لئے سنگ میل اور مینارۂ نور ہے۔

نام کتاب: دعوت إلی اللہ-کس کو اور کیسے؟ (اردو)

تالیف: ڈاکٹر سعید بن علی بن وہف القحطانی حفظہ اللہ

ترجمہ: ابو عبد اللہ عنایت اللہ بن حفیظ اللہ سنابلی مدنی

صفحات : 360

لنک: https://rb.gy/5dmp0

یہ کتاب عالم اسلام کی معروف علمی و دعوتی شخصیت‘سیکڑوں کتابوں کے مصنف‘ صاحب’’ الحصن المسلم‘‘ فضیلۃ الشیخ دکتور سعید بن علی بن وہف القحطانی حفظہ اللہ کے علمی رسالہ’’الحکمۃ فی الدعوۃ إلی اللہ تعالی‘‘کے ایک حصہ کا اردو ترجمہ ہے۔اس کتاب میں شیخ موصوف نے نہایت آسان اسلوب اور سلیس پیرائے میںملحدین، بت پرست کفار ومشرکین ، اہل کتاب یہود و نصاریٰ اور گنہ گار مسلمانوں کو دعوت دینے کے طریقے کی وضاحت فرمائی ہے اور اسے کتاب وسنت کے نصوص، استدلال واستنباط، آثار سلف اورعلماء محققین کے اقوال سے آراستہ کیا ہے اور ساتھ ہی مدعوین ومخاطبین ، بالخصوص منکرین خالق وصانع ،مادہ پرست الحادیوں اور یہود و نصاریٰ کے شبہات واشکالات کا دوٹوک ازالہ کیا ہے اورمسکت دلائل کی روشنی میں ان کی تردید کی ہے۔انسانی سماج کے مختلف طبقات کے لوگوں کو دعوت دینے کے طریقہ کی بابت یہ کتاب اردو زبان میں ایک مثالی شاہکار ہے، منہج سلف کے سچے اور مخلص داعیان و مصلحین کو اس سے استفادہ کرنا چاہئے۔

مطبوعات صوبائی جمعیت کی مزید کتب مع ڈاؤنلوڈ لنکس پیش ہیں:

نام کتاب: شرح اسماء حسنیٰ کتاب وسنت کی روشنی میں

تالیف: ڈاکٹر سعید بن علی قحطانی

ترجمہ: شیخ عنایت اللہ مدنی

سن طبع: ۲۰۱۶

صفحات: ۳۰۴

لنک: bit.ly/3QMzyeh

نام کتاب: ڈاکٹر شریم کا گرانقدرخطاب

خطاب: ڈاکٹر شریم (سابق اما کعبہ)

ترجمہ: شیخ عبد المعید مدنیؔ

سن طبع: ۲۰۱۱ء

صفحات: ۲۴

لنک: bit.ly/3QTVx2O

نام کتاب: منہج سلف صالحین( شرح السنۃ للبربھاری )

تالیف: امام بر بہاری

شرح: شیخ عبداللہ بن صالح العبیلان

ترجمہ: حافظ حامد محمود الخضری، مراجعہ: شیخ عنایت اللہ مدنی

سن طبع: ۲۰۱۷ء

صفحات: ۱۸۶

لنک: bit.ly/3sh1A7E

نام کتاب: صحیح عقائد کی طرف رہنمائی

تالیف: شیخ صالح بن فوزان الفوزان

ترجمہ: عبد التواب محمدیؔ، مراجعہ: شیخ ابو رضوان محمدیؔ

سن طبع: ۲۰۱۹ء

لنک:

نام کتاب: جدید مناہج کی حقیقت

تالیف: شیخ صالح بن فوزان الفوزان

جمع وتعلیق: شیخ جمال بن فریحان الحارثی

ترجمہ: شیخ عنایت اللہ مدنیؔ

سن طبع: اول: ۲۰۱۹ء

صفحات: ۴۸۰

لنک: bit.ly/3E1HO2D

نام کتاب: جدید مناہج کی حقیقت

تالیف: شیخ صالح بن فوزان الفوزان

جمع وتعلیق: شیخ جمال بن فریحان الحارثی

ترجمہ: شیخ عنایت اللہ مدنیؔ

سن طبع: دوم: ۲۰۲۳ء

صفحات:

لنک:

نام کتاب: شرح نواقض اسلام

تالیف: شیخ الاسلام محمد بن عبد الوھاب رحمہ اللہ

شرح: شیخ صالح بن فوزان الفوزان

ترجمہ: منتخب علماء کرام

سن طبع: ۲۰۱۹ء

صفحات: ۲۹۴

لنک:

نام کتاب: اتباع سنت یا تقلید مذاہب، ایک لمحہ فکریہ

تالیف: امام صالح بن نوح المعروف ب الفلانی

ترجمہ: شیخ عنایت اللہ مدنی

سن طبع: ۲۰۱۸

صفحات:

لنک: bit.ly/45hfwgj

نام کتاب: منہج حق کی وضاحت اور فرقہ اخوان المسلمون

تالیف: ڈاکٹر ہشام بن عبد الملک

ترجمہ: شیخ عنایت اللہ مدنیؔ

سن طبع: ۲۰۲۲ء

صفحات: ۷۲

لنک: bit.ly/45y6StC

نام کتاب: خوارج اور ان کے اوصاف

تالیف: ڈاکٹر محمد غیث غیث

ترجمہ: عقیل احمد حبیب اللہ

سن طبع: ۲۰۱۷ء

صفحات: ۱۱۲

لنک: bit.ly/3E3FRm7

نام کتاب: منہج سلف کا تحقیقی جائزہ

تالیف: ڈاکٹر سلیمان الرحیلی

ترجمہ: ڈاکٹر محمد اجمل منظور مدنیؔ

سن طبع: ۲۰۲۲ء

صفحات:

لنک:

نام کتاب: شرک قرآنی تمثیلاتی کے آئینے میں

تالیف: شیخ عبد المعید مدنیؔ

سن طبع: ۲۰۰۷ء

صفحات: ۶۵

لنک: https://urlis.net/g7tzsmb0

نام کتاب: بدعات کی پہچان

تالیف: ڈاکٹر محمد بن حسین بن حسن جیزانی

ترجمہ: شیخ عنایت اللہ مدنیؔ

سن طبع: ۲۰۲۲ء

صفحات: ۲۸۴

لنک: https://urlis.net/vvwi5nud

نام کتاب: امت محمدیہ کے فضائل

تالیف: ڈاکٹر عبد القیوم بن محمد شفیع بستوی مدنیؔ

سن طبع: ۲۰۲۲ء

صفحات: ۱۲۰

نام کتاب: اختلاف امت اور فرقہ بندی (اردو)

تالیف: ڈاکٹر عبد القیوم بستوی مدنیؔ

سن طبع: ۲۰۲۰ء

صفحات: ۱۵۹

لنک:

نام کتاب: اختلاف امت اور فرقہ بندی (انگلش)

تالیف: ڈاکٹر عبد القیوم بستوی مدنیؔ

سن طبع: ۲۰۲۰ء

صفحات:

لنک:

نام کتاب: مقالات ومضامین بر حجیت حدیث

تالیف: شیخ الاسلام مولانا ثناء اللہ امرتسری

جمع وتحقیق: عبد الاحد بن أحسن جمیل

سن طبع: ۲۰۲۲ء

صفحات:

لنک:

نام کتاب: قادیانیت کی حقیقت

تالیف: شیخ ابو القاسم سیف بنارسی رحمہ اللہ

سن طبع: ۲۰۱۹ء

صفحات: ۴۸۸

لنک: https://urlis.net/dg3iseh4

نام کتاب: قیامت کی نشانیاں

تالیف: شیخ یوسف بن عبد اللہ بن یوسف الوابل

ترجمہ: شیخ محمد مقیم فیضی رحمہ اللہ

سن طبع: ۲۰۰۳ء

صفحات: ۴۶۸

لنک: https://urlis.net/0du729m7

نام کتاب: عظمت صحابہ کے چند پہلو

تالیف: شیخ محمد مقیم فیضیؔ رحمہ اللہ

سن طبع:

صفحات: ۲۵

لنک: https://urlis.net/cycrscam

نام کتاب: ایمانی کمزوری؛ اسباب وعلاج

تالیف: صالح المنجد

ترجمہ: شیخ محمد مقیم فیضیؔ رحمہ اللہ

سن طبع:

صفحات: ۱۱۱

لنک: https://urlis.net/m03kuxfe

نام کتاب: جن وشیاطین اور رقیہ مروجہ کے منکرات (۲؍ جلد)

تالیف: شیخ محمد مقیم فیضیؔ رحمہ اللہ

سن طبع: ۲۰۱۹ء

صفحات:

لنک:

نام کتاب: داعش (اسلام کے سینے میں گھونپا ہوا ایک خنجر)

تالیف: شیخ محمد مقیم فیضیؔ رحمہ اللہ

سن طبع: ۲۰۱۶ء

صفحات: ۱۳۷

لنک: https://urlis.net/o1bsfihb

نام کتاب: فتنوں سے نجات کیسے؟

تالیف: ڈاکٹر سلیمان الرحیلی

ترجمہ: شیخ عنایت اللہ مدنیؔ

سن طبع: ۲۰۲۱ء

صفحات:

لنک:

نام کتاب: قسم اور حلف: اسلامی عقیدے کی روشنی میں

تالیف: شیخ مقصود الحسن فیضیؔ

سن طبع: ۲۰۲۱ء

صفحات: ۸۰

لنک: https://urlis.net/rsmt29zv

نام کتاب: ناموس مصطفیٰ ﷺ اور آپ کی نصرت وتائید

تالیف: شیخ یوسف بن حسن الحمادی

ترجمہ: الطاف الرحمن سلفیؔ

مراجعہ: ڈاکٹر عبد الحمید ظفر

سن طبع: ۲۰۲۱ء

صفحات: ۲۴

لنک: https://urlis.net/czk1e0vk

نام کتاب: نبی رحمت کے معجزات اور پیشینگوئیاں

تالیف: محمد ناظم بن عبد المجید

سن طبع: ۲۰۲۱ء

صفحات: ۱۵۸

لنک: https://urlis.net/qhzaihq7

نام کتاب: خانہ ساز شریعت

تالیف: عبد الرؤف ندوی

سن طبع: ۲۰۱۹ء

صفحات:

لنک:

نام کتاب: قرآن مجید کا انسائیکلوپیڈیا (ہندی)

تالیف: ڈاکٹر رضیاء الرحمن اعظمیؔ رحمہ اللہ

سن طبع: ۲۰۱۳ء

صفحات:

لنک:

نام کتاب: امام کے پیچھے سورہ فاتحہ

تالیف: عبد الرحمن بن عبد الرقیب

سن طبع: ۲۰۱۴ء

صفحات: ۳۲

لنک: https://urlis.net/wzr69r26

نام کتاب: مختصر مسائل زکوٰۃ

تالیف: شیخ محمد مقیم فیضی رحمہ اللہ

سن طبع: ۲۰۱۹ء

صفحات: ۴۸

لنک: https://urlis.net/58awy1ui